Групацијата „Далма“ е реномирана компанија која веќе 18 години нуди широк спектар на угостителски услуги, фин и индустриски кетеринг, целосна организација и водење настани. Во текот на овој период никогаш не престанавме да растеме и да се развиваме, бидејќи нашата главна цел отсекогаш ни била вам, како наши клиенти, да ви понудиме најквалитетна услуга. Вашите среќни семејни и деловни настани, од кои секогаш бевме дел, ги чуваме како вредни спомени кои ни даваат сила да одиме напред.

Групацијата „Далма“ е тим на познати, искусни, но и на надежни млади готвачи и професионалци во угостителската индуистрија, со што „Далма“ е единствената „едношалтерска“ компанија на македонскиот пазар. Нашиот посветен тим има две главни одлики – страст и ентузијазам секогаш да понуди беспрекорна услуга и во ситуации што се голем предизвик. Исклучителната храна, приготвена со вкусни состојки и беспрекорно сервирана од страна на нашите вработени, од секој ваш настан ќе направи спомен на кој со гордост ќе се сеќавате.

Групацијата „Далма“ секогаш користи органски состојки со врвен квалитет, од најдобрите локални избори и произведувачи, кои гарантираат квалитет на нивните производи и со кои „Далма“ изгради долгорочна соработка и доверба. Секој оброк се подготвува од „нула“ и ги содржи најважните состојки: нашата љубов и посветеност секогаш да го послужиме најдоброто. Се грижиме за секој детаљ, а нашата листа на клиенти е доказ за нашиот професионализам.